Euroclubindex порталы Еуропаның үздік футбол клубтарының рейтингін жариялады, деп хабарлайды "Ұлт ақпарат".
Рейтингіні Чемпиондар лигасының жеңімпазы Германияның «Бавария» командасы бастап тұр. Одан кейінгі орындарда Англияның «Манчестер Сити» және «Ливерпуль» клубтары келеді. Үздік бестіктің ішінде Испанияның «Барселона» және «Реал» командалары жайғасқан.
Қазақстандық клубтар арасында Алматының «Қайрат» клубы 234-орынға орналасса, елордалық «Астана» 243-орында тұр.
Қазақстандық өзге клубтардың позициясы келесідей: «Ордабасы» - 361-інші орын, «Тобол» - 363, «Жетысу» - 435, «Шахтер» - 454, «Кайсар» - 470, «Тараз» - 509, «Кызыл-Жар СК» - 523, «Окжетпес» - 548, «Каспий» - 555-орын.
Рейтингті түзу кезінде командалардың Еурокубоктағы соңғы төрт маусымдағы көрсеткіші, ел біріншілігі мен кубоктағы нәтижесі ескеріледі. Негізінен соңғы жылдағы көрсеткіш қаперге алынады.
852 рет оқылды
