07 сәу, 2021 сағат 11:12

Facebook өкілі желі қолданушыларын қауіпсіздік тактикасын барынша сақтауға үндеді

2019 жылы хакерлер байланыс нөмірлері бойынша жарты миллиард қолданушының жеке дерегін ұрлаған. Өткен демалыс күндері 533 млн Facebook қолданушыcының жеке деректері хакерлік форумда жарияланған. Бұл жағдайға компания өкілдері түсінік беріп, қауіпсіздік баптауларына абай болуға шақырды, деп хабарлайды The Business Times.

«Қаскүнемдер бұл деректерді біздің жүйені бұзу арқылы емес, веб-скрейпинг деп аталатын платформадан деректерді ұрлау жолы арқылы алған», - деп мәлімдеді Facebook-тың өнімдерді басқару бойынша директоры Майк Кларк.

Деректер абоненттердің телефон нөмірлерін, туған күндерін және электронды пошта мекенжайларын қамтыды, ал кейбір мәліметтер, америкалық БАҚ-тың хабарлауынша, маңызды болып шықты.

Facebook-тің айтуынша, ұрланған деректерде кілт сөздер немесе пайдаланушылардың қаржылық деректері болмады.

Веб-сайт беттерінен деректерді шығару (веб - скрапинг) - бұл Интернетте бөлісуге қолжетімді ақпаратты жинау үшін автоматтандырылған бағдарламалық жасақтаманы қолдануды қамтитын тактика.

Майкл Кларк әлеуметтік желі қолданушыларын басқаларға қандай ақпарат көрінетінін бақылау және екі факторлы аутентификация арқылы есептік жазбаның қауіпсіздігін арттыру мақсатында құпиялылық параметрлерін тексеруге шақырды.

Бұл әлемдегі ең үлкен әлеуметтік желінің екі миллиардқа жуық пайдаланушысы бар деректердің жария болуы немесе пайдалану Facebook туралы пікірталас тудырған алғашқы жағдай емес.

Айта кетсек, 2016 жылы британдық консалтингтік фирма Cambridge Analytica төңірегіндегі жанжал миллиондаған Facebook қолданушыларының жеке деректерін мақсатты саяси жарнамаларды тарату үшін пайдаланған еді. Бұл әлеуметтік желіге жағымсыз әсер етті.