Еуропа коронавирустың екінші толқынына дайындалуда, деп хабарлайды BBC агенттігі.
Агенттіктің хабарлауынша, жалпы карантин қоғам мен экономикаға тым көп шығын әкелді.
Локдауннан шығу аурудың көбеюіне әкелді, бірақ қазір өлім-жітімнің өсуі де, ауруханаға жатқызу жағдайлары да жоқ. Адамдар шаршады, карантинге наразылық білдірушілер саны артып келеді. Бизнестің, халықтың және мемлекеттің кірістері құлдырауда, ал «жасанды комадағы» экономиканы қолдауға арналған шығындар қол жетімсіз.
Мұның барлығы еуропалықтарға қысты локдаунсыз өткізуге үміт береді. Медицина да, азаматтар да, бизнес те біртіндеп вируспен өмір сүруге бейімделуде: маска киеді, қол жуады, қашықтықты сақтайды, үйден жұмыс істейді.
Құрлықтағы ең ықпалды саясаткерлер неміс канцлері Ангела Меркель және Франция президенті Эммануэль Макрон жаңа локдаунға қарсы шықты.
«Біз елдегі өмірді тоқтата алмаймыз, өйткені локдаунның көптеген зиянды жанама әсерлері бар», - деді Макрон
«Саясаткер ретінде біз шекаралардың жаңадан жабылуын болдырмауға тырысамыз , - деді Меркель.
Вирустың салдарынан Еуропалық Одақтың 27 елі Шенген аймағын жауып, әлемнен ғана оқшауланып қалған жоқ, сонымен бірге ішкі шекараларын да жапты. Адамдар іссапарға және демалысқа саяхаттауды тоқтатты, бұл локдаунның салдарынан ЕО экономикасына орасан зор зиян келді.
Бірінші толқын кезінде (ақпаннан маусымға дейін) қызметтердің негізгі секторы жалпы 16,4% - ға қысқарды, ал туристік қызметтердің құлдырауы 75% - ды құрады. Жаздың ортасына қарай мейрамхана бизнесі қайта жанданды, бірақ мұнда да айналым жартылай қалпына келді. Қонақ үйлер мен әуе компаниялары терең дағдарыста қалып отыр.
«Мен қазір елімізде жаңа локдаун мүмкіндігін жоққа шығарамын», - деді Италияның Денсаулық сақтау министрі Роберто Сперанца.
Туристік сала тағы бір өлі маусымға қарсы тұра алмайды.
Осы уақыт ішінде дәрігерлер Covid-19 індетімен ауырған науқастарды қалай дұрыс емдеу керектігін түсінді, ғалымдар бірнеше вакцина жасап, қазір оларды сынап жатыр, ал билік денсаулық сақтау жүйесін нығайтты, қарттар үйлеріндегі өлім-жітім жойылды, жаппай тестілеу ұйымдастырылды, науқастардың кіммен байланысқанын бақылауды және жергілікті локдаундар енгізуді үйренді. Азия мен Еуропада өлім-жітім жойылды, онымен бірге жүз жыл бұрын «испан тұмауы» масштабындағы жаңа пандемияға немесе ортағасырлық Еуропадағы обаға деген қорқыныш та жоғалып кетті.
Әр оныншы неміс санитарлық шектеулерге қарсы. Кейбіреулер конституцияны қолдарына алып наразылық акциясына шығады. Қалыпты өмірге қайта оралатын уақыт келді. Әйтпесе вируспен күрес вирустың өзіне қарағанда көп зиян келтіреді дейді наразылық білдірушілер. Санитарлық наразылық бүкіл Еуропаны шарпыды. Билік жауап берді: әр нәрсенің өз уақыты бар, алдымен біз экономиканы қалыпты өмірге, балаларды мектепке, жұмысшыларды жұмысқа қайтарамыз. Егер бұл үшін барлығына маска кию керек және қыдырудан бас тарту керек болса,оны орындау қажет. Оған бағынбаған жағдайда, тәртіп бұзушыларға айыппұл салынады дейді билік.
769 рет оқылды
