Жақында Нұр-Сұлтанда 145 аулаларды абаттандыру басталды, деп хабарлайды елорда әкімдігінің ресми сайты.
Қазақстан астанасында жаз келісімен аулаларды абаттандыру жұмыстары басталады, яғни жаңа ойын алаңдары пайда болып, ескілері жаңартылады. Тренажерлар, шағын сәулет формалары орнатылады. Елорда әкімдігі ойын алаңдарының қай ауданда және қай жерлерге салынатыны, сондай-ақ қандай абаттандыру жұмыстары жүргізілетінін хабарлады.
АЛМАТЫ АУДАНЫ
Бұл ауданда 387 аула бар. 2020 жылы 33 ауланың аумағын көркейту жоспарланған. Қордай көшесі №75 үй мен К. Әзірбаев көшесіндегі № 10 үйдің аулалары 2020 жылы абаттандыру жұмыстарының жоспарына енгізілді. Қосымша шағын сәулет формалары мен жаттығу құралдарын орнату маусым айында басталады. Айнакөл көшесіндегі №56, 56/1, сондай-ақ Р. Қошқарбаев даңғылы бойындағы №45, 45/1 үйлердің аулаларында кешенді көріктендіру жұмысы жүргізіліп, көлік тұрағы, спорттық және балаларға арналған ойын алаңы салынады. Жөндеу жұмыстарын маусым айында бастау жоспарланған. Ғ.Мұстафин көшесіндегі №15/2 үйдің ауласындағы спорт алаңына биыл ағымдағы жөндеу жүргізіледі. Бұған қоса, Т.Жүргенов көшесіндегі №74 мектептің ауданында гүлзардың құрылысы басталып, оған шағын сәулет формаларын орнатып, жаяу жүргіншілерге арналған жол төсеп, көгалдандыру көзделіп отыр.
БАЙҚОҢЫР АУДАНЫ
Биыл аудандағы «Жастар» шағын ауданы, Абай даңғылы, А.Бараев, Омаров, Отырар және т.б. көшелердің бойындағы 50 ауланы абаттандыру жоспарланған. Жобаға сәйкес балаларға арналған екі орындық әткеншек, серіппелі тербеткіштер, құм салғыш, спорттық жаттығу құралдары, шағын сәулет формалары орнатылады. Аудан аумағында 235 аула бар, бүгінде оның 67-сін жаңарту қажет. Ағымдағы жылы 67 ауланың 50-ін жөндеу көзделіп отыр.
ЕСІЛ АУДАНЫ
Ауданда 399 аула бар. Биыл 22-сі абаттандырылып, адамдар үшін қауіпсіз және сертификатталған шағын сәулет формалары орнатылады. Қоғамдық кеңістік аясында бір аумақта және 20 аулада бір ойын алаңын жабдықтау жоспары бар.
САРЫАРҚА АУДАНЫ
Бұл ауданда 540 аула бар. 2020 жылы 40 ауланың аумағын көркейту жоспарланған. Ауданда барлығы 540 балалар алаңы болса, оның 10% жаңарту қажет. Қазіргі күні аудандағы аулаларды абаттандыру қызметін көрсету бойынша мемлекеттік сатып алулар байқауын өткізуге дайындық жүргізілуде.
872 рет оқылды
