Карантин және төтенше жағдай кезінде елордада «Сергек» жүйесі күшейтілген режимде жұмыс істеп жатыр, деп хабарлайды "Ұлт ақпарат" елорда әкімдігіне сілтеме жасап.
Тексеру жүргізушілерге қатысты жасалады. «Сергек-патруль» базасына автокөлік тоқтаған кезде полицейлер жүргізуші мен көліктің деректерін: ЖСН, көліктің мемлекеттік нөмірі және жүргізушінің нақты тұрғылықты жері мен жұмыс орнын енгізеді. Негізсіз қалада жүрген. тәртіп бұзушылар алғашында ескерту алады. Екінші мәрте тәртіп бұзған жағдайда Нұр-сұлтан қаласының мамандандырылған ауданаралық әкімшілік сотының шешіміне сәйкес 10 АЕК айыппұлдан 15 тәулікке дейін әкімшілік қамауға алынуы мүмкін.
«Қайта тексеру кезінде, егер ақпараттық базаның мәліметтеріне сәйкес, азық-түлік пен дәрі-дәрмектер алудан басқа мақсатта, маршрутты негізсіз бұзғаны анықталса, жүргізуші ҚР ӘҚБК 476-бабы («Төтенше жағдай режимін бұзу») бойынша әкімшілік жауапкершілікке тартылады», –делінген хабарламада. Қазіргі уақытта базада ТЖ кезіндегі құқық бұзушылықтар есептеліп жатыр. Күн сайын «жұмыс – үй» қағидаты бойынша автокөлік жүргізушілерінің деректері енгізіледі. ТЖ режимі мен карантин тәртібін бұзғаны үшін айыппұлдар бүгінгі күні өзекті.
Нұр-Сұлтан қаласында барлығы 13 000 «Сергек» камерасы бар. Ол күніне 12 млн-нан астам оқиғаны өңдеуге мүмкіндік береді.
1099 рет оқылды
