Еліміздің төрт өңірінде ауа райына байланысты ескерту жарияланды, деп хабарлайды "Ұлт ақпарат".
Күндіз 15, түнде 16 мамырда Солтүстік Қазақстан облысының басым бөлігінде кей жерлерде нөсер жаңбыр жауады. Сондай-ақ 15-16 мамырда тәулік бойы кей жерлерде күн күркіреп, дауыл, бұршақ жаууы ықтимал. Оңтүстік-батыстан, батыстан жел соғады, кей жерлерде күші 15-20 м/с жетеді.
Петропавлда 15-16 мамырда найзағай, бұршақ күтіледі. Оңтүстік-батыстан, батыстан жел соғады, екпіні 15-20 м/с.
15 мамырда Қарағанды облысының кей жерлерінде найзағай жарқылдайды. Жел батыстан, оңтүстік батыстан соғады, кей жерлерінде жылдамдығы 15-20 м/с жетеді.
Қарағандыда 15 мамырда күн күркіреп, найзағай жарқылдайды. Жел батыстан, оңтүстік батыстан соғады, күндіз екпіні 15-20 м/с жетуі мүмкін.
15 мамырда Алматы облысында кей жерлерде қатты жаңбыр, найзағай, дауыл, бұршақ күтіледі. Солтүстік батыстан соғатын желдің күші 17-22 м/с.
Талдықорғанда 15 мамырда солтүстік батыстан жел соғады, жылдамдығы 15-20 м/с жетеді.
15 мамырда күндіз Ақмола облысының басым бөлігінде жаңбыр жауады. Кей жерлерде найзағай, дауыл, бұршақ жаууы ықтимал. Оңтүстік батыстан соғатын жел солтүстік-батысқа ауысады, түнде кей жерлерде күші 15-20 м/с, күндіз 15-20, кей жерлерде 23 м/с болады.
Көкшетауда таңертең және күндіз 15 мамырда найзағай, бұршақ күтіледі, оңтүстік батыстан соғатын жел солтүстік-батысқа ауысады, екпіні 15-20 м/с.
Нұр-Сұлтанда 15 мамырда найзағай ойнап, бұршақ жаууы мүмкін. Оңтүстік батыстан соғатын желдің екпіні таңертең және күндіз 17-22 м/с жетеді.
604 рет оқылды
