03 жел, 2020 сағат 18:55

Еліміздің алты өңірінде ауа райына байланысты ескерту жарияланды

Еліміздің 6 өңірінде ауа райына байланысты ескерту жарияланды, деп хабарлайды "Ұлт ақпарат" Қазгидромет» РМК-ға сілтеме жасап.

Түркістан облысында 4 желтоқсанда кей жерлерде тұман, көктайғақ, жаяу бұрқасын болуы мүмкін. Солтүстік-шығыстан соғатын желдің жылдамдығы секундына 15-20 метрге жетеді.

Шымкентте 4 желтоқсанда көктайғақ болады. Ауа райы болжамының дәлдігі 90-95 %.

Өскемен, Риддер қалалары мен Жаңа Бұқтырма ауылында 4 желтоқсанда 21.00-ге дейін 2 дәрежелі жағымсыз метеорологиялық жағдай қалыптасады.

Солтүстік Қазақстан облысында 4 желтоқсанда кей жерлерге тұман түседі.

Петропавлда да тұман болуы мүмкін. Ауа райы болжамының дәлдігі - 90-95 %.

Ақмола облысында 4 желтоқсанда кей жерлерде тұман, жаяу бұрқасын болуы мүмкін. Солтүстік-шығыстан жел соғып, жылдамдығы 15-20 м/с жетеді. Ауа райы болжамының жәлдігі - 85-90%.

Маңғыстау облысының солтүстігінде 4 желтоқсан күні түнде 22°С-қа дейін қатты аяз болуы мүмкін. Жолда көктайғақ сақталады. Ауа райы болжамының дәлдігі 85-90%.