2013 жылы дзюдодан әлем чемпионатының күміс жүлдегері Азамат Мұқанов спорттық карьерасын аяқтайтынын ресми мәлімдеді. Бұл туралы ол Астанада өтіп жатқан ҚР чемпионатында айтты, деп хабарлайды Baq.kz агенттігі.
"Ел чемпионатының ашылуымен шын жүректен құттықтаймын. Мен өзімді көк туды көтерген спортшы ретінде бақытты сезінемін. Осындай мүмкіндік берген Елбасы Нұрсұлтан Назарбаевқа айтар алғысым шексіз. Мәдениет және спорт министрлігіне, Ұлттық олимпиада комитетіне, Конфедерацияға, Қазақстан дзюдо федерациясына көп рахмет. Спорттық карьерамды аяқтаймын деп айта алмаймын, себебі осы күнге дейін жинаған тәжірибемді келешек чемиондарға теңізге тамған тамшыдай болса да үлесімді қосқым келеді", - деді дзюдошы.
ҚР дзюдо федерациясының президенті Қайрат Қожамжаров спортшыға Қазақстан дзюдосына үлес қосқаны үшін естелік кубогын табыстады. Сондай-ақ, ҚР Мәдениет және спорт министрі Арыстанбек Мұхамедиұлы Спорт комитетінің алғыс хатымен марапаттады.
2553 рет оқылды
