Бүгін Дубайдан тағы бір рейспен 168 адам ұшып келеді. Олар Қапшағай қаласының маңындағы демалыс орындарының біріне екі күнге карантинге жатқызылады, деп хабарлайды "Ұлт ақпарат" Алматы облысы әкімінің баспасөз қызметіне сілтеме жасап.
Оларға демалыс орнының аумағынан тыс жерге шығуға тыйым салынады. Карантин кезінде барлық қажеттіліктермен қамтамасыз етіледі. Ал олардың сыртқа шықпауын арнайы күзет бақылайды.
Жолаушылардан облысқа келген бетте COVID-19 инфекциясына анализдер алынып, эпидемиологиялық тексерулер жасалады. Тексеру нәтижелеріне сәйкес арнайы автобустармен тұрғылықты жерлеріне жеткізіледі.
Естеріңізге сала кетейік, бұған дейін Талдықорғанға БАӘ-нен 135 адам ұшақпен жеткізілгенін хабарлаған болатынбыз. Олардан алынған сынама COVID-19 инфекциясына теріс нәтиже беріп, жолаушылар екі күндік карантиннен соң тұрғылықты жерлеріне арнайы көлікпен жеткізілген еді.
780 рет оқылды
