Қазақстандық әнші Димаш Құдайбергеннің бейнебаяны Europa Plus TV телеарнасы эфирінен көрсетіледі, - деп хабарлайды Tengrinews.kz.
Ресейлік Europa Plus TV телеарнасында бейнебаянның көрсетілімі 30 шілдеде Мәскеу уақытымен 18.35-те (Нұр-Сұлтан уақытымен 21.35-те) өтеді.
Клип 2021 жылдың сәуірінде Димаш Құдайбергеннің ресми YouTube-арнасында жарияланған болатын.
Экшн жанрындағы шағын фильмге ұсас бейнебаянның түсірілімі Алматыда болды. Түсірілім басталар алдында режиссер Радислав Лукин дайындық жұмыстарымен айналысу үшін Қазақстанға ұшып келген.
Клиптің қоюшы-операторы Азамат Дулатов Димаш үшін түсірген бүкіл бейнебаянның ішінде ең қиыны осы болғанын айтты. Жалпы, жаңа бейнеклип үшін 70-тен аса адам қатысқан түсірілім тобы жұмыс істеген.
Бейнебаяндағы трюктерді қазақстандық, сондай-ақ шетелдік танымал кинокартиналарда жұмыс істеген Kazakh union каскадерлік тобы ұйымдастырған. Олардың ішінде: "Неудержимые 2", "Дневной дозор", "Кочевник", "Рэкетир" фильмдері бар.
1303 рет оқылды
