Әлемге танымал қазақстандық әнші Димаш Құдайберген Мәскеуде екінші концерт береді, – деп хабарлайды «Ұлт ақпарат».
«Қымбатты достар! Сіздерді қуана-қуана Мәскеуде, 2020 жылы 9 наурызда «Мегаспорт» аренасында өтетін өзімнің концертіме шақырамын. Бұл -көңілді, креативті және сезімге толы кеш болады! Сіздерді көктемнің алғашқы мерекелік күндері Мәскеуде болатын өзімнің шоуыма шақырамын. Билеттер Ресей бойынша турнедегі билеттерді ресми сатумен айналысатын әріптес - https://icetickets.ru/ сайтында» деп жазды Димаш Instagram парақшасында.
Бұдан басқа Димаш екінші концертінің сансыз тыңдармандарының сұранысы бойынша өтетіндігін атай кеткен.
Еске сала кетсек, Мәскеуде 22 наурызда Кремль сарайында Димаш Құдайбергеннің бірінші жеке концерті өткен еді. Оған әншінің шығармашылығына шынайы берілген әлемнің 50-ден астам елінен жанкүйерлер келген болатын.
Сондай-ақ Димаш бұдан бұрын 25 наурыз күні Праганың «Tipsport-Arena»-сында өтетін Чехиядағы алғашқы жеке концертіне де шақырған еді.
1298 рет оқылды
