Қазақстандық әнші Димаш Құдайберген Қытайда реалити-шоуға қатысады. Бұл туралы ол Іnstagram-дағы парақшасында жазды, деп хабарлайды ҚазАқпарат.
«Бейжіңнен Уси қаласына ұшып келдік. Жақын арада бір қызықты бағдарламаға қатысқалы жатырмын. Бұл жобада Қытайда танымал әртістер 4-5 адамнан тұратын топтарға бөлініп, өзара топтардың ойындарын жүргізеді», - дейді әнші.
Оның айтуынша, бұл – вокалдық сайыс емес.
«Бұл жобада: танымал әншілер, актерлер, реперлер, бишілерден топ жасақталып, сол топты жоба соңына дейін жеткізу қажет. Миссиясы ойын түріндегі бұл жоба сіздер үшін де қызық болады деп ойлаймын», - деп жазды Димаш желіде.
1087 рет оқылды
