Дүниежүзілік денсаулық сақтау ұйымы әлемнің ең беделді 20 көшбасшысын қазанға дейін пандемия толқынын тоқтату үшін коронавирус инфекциясына қарсы вакцинаға қолжетімділікте теңсіздікті жоюға шақырды, деп хабарлайды "Ұлт ақпарат" The Newpaper-ге сілтеме жасап.
Act Accelerator COVID-19-бен күресу құралдарына қол жетімділікті жеделдету бастамасының жетекшісі Брюс Эйлвард коронавирус инфекциясына қарсы вакциналарға қолжетімділіктің теңсіздігін «ұят» деп атады және саяси көшбасшылар мен бизнес-магнаттарды кедей елдерді вакцинамен қамтуға шақырды.
Атап айтқанда, ол әлемнің ең ықпалды 20 көшбасшысын қыркүйек айының соңына дейін теңсіздік мәселесін шешіп, әлемнің әр еліндегі халықтың 10 пайызын вакцинациялауға шақырды. AFP бағалауы бойынша, бүкіл әлемде шамамен 4,5 миллиард вакцина дозасы қолданылған.
Халықаралық банктің мәліметтеріне сәйкес, кірісі жоғары елдерде 100 адамға шаққандағы доза саны 104-ті құрайды, ал кірісі төмен 29 елде 100 адамға екі дозадан келеді.
938 рет оқылды
