Олимпиада чемпионы Данияр Елеусіновтің менеджері Зия Алиев боксшының келесі жекпе-жегі қашан және қайда өтетінін мәлімдеді, деп хабарлайды ҚазАқпарат Sports.kz порталына сілтеме жасап.
«Данияр келесі жекпе-жегін 20 қазан күні Бостонда өткізеді. Қазір біз промоутердің осы күнді бекітуін күтіп отырмыз, бірақ оның қарсыласы Рэй Мойлетт болмайды. Даниярға кім қарсылас болатыны әлі белгісіз», - дейді маман.
Данияр Елеусінов пен Рэй Мойлетт 2008 жылы Мексикада өткен жасөспірімдер арасындағы әлем чемпионатында кездескен болатын. Сол кезде жеңіс ирландиялық боксшының қоржынында кеткен.
Еске сала кетейік, қазақстандық боксшы үстіміздегі жылдың сәуірінде кәсіпқой боксқа алмасты, ал Мойлетт былтырғы наурыз айынан бері кәсіпқой бокста жүр.
1732 рет оқылды
