Жапон ғарышкері Соичи Ногучи мен НАСА ғарышкері Майкл Хопкинс.
Халықаралық ғарыш станциясынан ұшып шыққан америкалық Crew Dragon-1 кемесі 6,5 сағаттан кейін Мексика шығанағына аман-есен қонды.
Жерге оралғандар: НАСА ғарышкерлері Майкл Хопкинс, Виктор Гловер, Шеннон Уокер және жапон ғарышкері Соичи Ногучи. Ғарышкерлер отырған капсуланы судан шығарып алу үшін қону аймағына іздеу-құтқару кемесі жіберілді.
Crew Dragon-1 экипажы ХҒС-те жарты жыл жұмыс істеді. Кеме былтыр 15 қарашада Канаверал мүйісіндегі Кеннеди ғарыш орталығынан ұшырылып, ХҒС-ке келесі күні жеткен.
Кеме SpaceX компаниясының ХҒС-ке ғарышкер жеткізген екінші жобасы. Бірінші сапарды 2020 жылы мамырда Crew Dragon кемесі жасаған. Сынақ кемесі ХҒС-ке НАСА-ның екі ғарышкерін апарған. Сәуірдің ортасында SpaceX компаниясы ғарыш станциясына Crew Dragon-2 дейтін үшінші кемесін жеткізді. Компания бұл сапарларды НАСА тапсырысымен орындады.
Қазір ХҒС-те «Роскосмос» ғарышкерлері Олег Новицкий мен Петр Дубров, НАСА ғарышкерлері Марк Ванде Хай, Меган Макартур, Шейн Ким, Еуропа ғарыш агенттігінің ғарышкері Томас Песке, жапон ғарышкері Акихико Хосидэ бар дейді «Интерфакс» агенттігі.
1072 рет оқылды
