Француздың атышулы сатира журналы Charlie Hebdo өз сайтында ресейлік Ту-154 апаты жайлы карикатура жариялады. Ұшақ бортында Александров атындағы ансамбльдің әртістері болған еді.
Суретте құлап бара жатқан ұшақ және оның ішіндегі "а-а-а-а" деп тұрған әскери бар.
"Әскери хордың репертуары кеңейіп жатыр", - делінген карикатурадағы жазбада.
Еске салайық, РФ Қорғаныс министрлігінің ұшағы жексенбіде, 25 желтоқсанда таңғы уақытта апатқа ұшыраған болатын. Лайнердің бортында 92 адам болған. Олардың ішінде, Александров атындағы ансамбльдің 68 музыканты, БАҚ-тардың 9 өкілі ("Звезда" телеарнасы, НТВ және Первый канал), алып келе жатқан 6 адам және экипаждың 8 мүшесі бар.
РИА Новости мәліметінше, Ту-154 ұшып шыққаннан кейін жеті минут өткенде апатқа ұшыраған. Ұшақ Қара теңіздің Анапа жағалауына жақын маңда құлаған. Лайнердің қирандысы бір жарым шақырымға шашылған, олар 50-100 метр тереңдікте. Осыған байланысты 26 желтоқсан - Ресейде жалпыұлттық қаралы күн болып жарияланды.
2105 рет оқылды
