#
#
Дүйсенбі 13/07/2020

БҚО-да коронавирус жұқтырған екі жасар баланың жағдайы өте ауыр

  • 02.06.2020
  • 0
  • 187

Батыс Қазақстан облысында коронавирус жұқтырған екі жасар баланың жағдайы өте ауыр, деп хабарлайды "Ұлт ақпарат".

Облыстық жұқпалы аурулар ауруханасының директоры Надия Ахметованың айтуынша, сәби жасанды тыныс алу аппаратына қосылған.

Ауруханада аппаратқа қосылған тағы үш адам ауыр халде. Қазіргі таңда мұнда 132 науқас ем алуда.

БҚО тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі мәлім еткеніндей, облыста барлығы 376 адам коронавирустан емделіп жатса, 316-сы жазылып шықты.

Сондай-ақ 20 адам провизорлық, 165 адам карантиндік стационарда жатыр, үйінде оқшауланған 1266 адам дәрігерлердің бақылауында.

Өңірде соңғы тіркелген 27 науқастың екеуі – Ресейде жұмыс істейтін Түркістан облысының тұрғындары. Самара облысымен шектесетін «Сырым» автоөткелінен өткеннен кейін олар карантиндік стационарға жатқызылған.

Бұрын коронавирусқа шалдыққандармен қарым-қатынаста болған облыстың 19 тұрғынынан ауру анықталды. Сонымен қатар алты адамнан профилактикалық мақсатта сынама алынған, олардың екеуі – медицина қызметкерлері.

Осылайша, ауырғандардың жалпы саны 692-ге жетті. Облыста індетке қарсы күрес жалғасуда.

Еске сала кетейік, бұдан бұрын Оралда үш науқастың өкпені жасанды желдету аппаратына қосылғанын жазған болатынбыз.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар