Біріккен Корольдік армиясының бірнеше шенеунігі коронавирусқа байланысты үй карантиніне оқшауландырылды, деп хабарлайды "Ұлт ақпарат".
Италияда көшеде бетперде кию міндеті мен коменданттық сағат алынып тасталды. Енді азаматтар масканы тек жабық кеңістіктерде және ашық ауада адамдар көп жиналатын нысандарда ғана киюі тиіс.
Италияда инфекцияны 4,25 миллионнан астам жұқтырса, 127 мыңнан астам адам індет салдарынан көз жұмған. Дегенмен, соңғы кезеңде аталмыш елде індетті жұқтырғандар саны мен өлім көрсеткіші күрт төмендегені байқалды.
Біріккен Корольдіктің Қорғаныс министрлігін COVID-19 «басып алды». Ұлыбританияның Қорғаныс министрі Бен Уоллес пен жоғары лауазымды басқа бірнеше шенеунік оқшаулануға мәжбүр болды.
Бұған қорғаныс штабының бастығы Ник Картердің тапсырған ПТР-тестінің оң нәтижесі себеп.
Коронавирустың таралуының алдын алу үшін тестілеу және контактілерді іздеу жүйесі Уоллес пен әскери-теңіз күштерінің, Корольдік Әуе күштерінің және стратегиялық қолбасшылықтың басшыларына 10 күндік үй карантинін тағайындады.
752 рет оқылды
