10 қарашада еліміздегі бес облыс аумағында ауа райының күрт құбылуына байланысты ескерту жарияланды, деп хабарлайды "Ұлт ақпарат" Қазгидрометке сілтеме жасап.
10 қарашада Солтүстік Қазақстан облысының басым бөлігінде жаңбыр, қар жаууы ықтимал. Облыстың солтүстігінде, батысында тұман түседі, көктайғақ болады, жаяу бұрқасын соғады. Оңтүстік-батыстан жел тұрып, жылдамдығы 15-20 м/с жетеді, облыстың оңтүстік-батысында екпіні 25 м/с болуы мүмкін.
Петропавлда ертең қар аралас жаңбыр жауады, көктайғақ болып, жаяу бұрқасын соғуы ықтимал. Оңтүстік-батыстан жел соғады, жылдамдығы 15-20 м/с жетеді.
10 қарашада күндіз Ақтөбе облысының солтүстігі, батысында қатты жаңбыр жауады. Батыстан, солтүстік-батыстан жел соғады, күндіз облыстың солтүстік-батысында екпіні 15-20 м/с жетуі мүмкін.
10 қарашада күндіз Маңғыстау облысының батысында тұман түсуі мүмкін. Оңтүстік-шығыстан соғатын жел солтүстік-батысқа ауысады, облыстың батысында жылдамдығы 15-20 м/с жетеді.
Ақтау ертең оңтүстік-шығыстан соғатын жел солтүстік-батысқа ауысады, кешке қарай екпіні 15-18 м/с жетуі мүмкін.
10 қараша Батыс Қазақстан облысының солтүстігінде тұман түсуі мүмкін. Жел солтүстік-батыстан, солтүстіктен соғады, облыстың солтүстік-батысында екпіні 15-20 м/с жетеді.
Ертең таңертең және түнде Оралда тұман түсуі мүмкін.
10 қарашада түнде Ақмола облысының солтүстік-батысында оңтүстік-батыстан жел соғады, жылдамдығы 15-20 м/с жетеді, күндіз облыстың басым бөлігінде желдің жылдамдығы 15-20, екпіні 25 м/с.
Ертең Көкшетауда оңтүстік-батыстан жел соғады, екпіні 15 м/с жетеді.
1284 рет оқылды
