Бельгияның Денсаулық сақтау агенттігінің деректері бойынша, Фландрия қаласының 10 ересек тұрғынының тоғызы коронавирусқа қарсы вакцинаны алған, деп хабарлайды "Ұлт ақпарат".
«Қазіргі кезде вакцинация науқаны аяқталуға жақын. Көптеген ересек адамдарға жақын күндері вакцинаның екінші компоненті салынады, жасөспірімдер де жаппай вакцина алуда», - деп мәлімдеді Риа Ванденрейт елдің Денсаулық сақтау жөніндегі агенттігінің атынан.
- Біз қазіргі кезде негізгі үш бағыт бойынша жұмыс істеп жатырмыз: 12-15 жастағы балаларға вакцина салуды жалғастырамыз, бірінші доза салынбаған адамдар мен вакцинаның екінші компонентінің уақытын жіберіп алған азаматтармен жұмыс, деді денсаулық сақтау органының төрағасы.
Осылайша, Фландрия халқының ересек бөлігінің 90% вакцинаның бірінші дозасын алған. Валлонияда бұл көрсеткіш – 79%. Ал ел астанасы Брюссельде халықтың 60%-ы вакцина салдыртқан.
Бельгиялық мамандардың ойынша, Брюссель қаласындағы вакциналау көрсеткішін көтеру үшін этникалық қауымдастықтары аралайтын мобильді вакциналау топтарын құру қажет. Аталмыш қауымдастықтарды COVID-19-дан қорғану бойынша кампания әлсіз қамтыған.
817 рет оқылды
