«Қазгидромет» РМК еліміздің 14 өңірінде ауа райына байланысты ескерту жариялады, деп хабарлайды "Ұлт ақпарат".
16 қыркүйекте Ақмола облысында, Нұр-Сұлтан және Шымкент қалаларында желдің екпіні секундына 15-20 метр болады. Ақмола облысының кей жерлерінде желдің жылдамдығы секундына 28 метрге жетеді.
16 қыркүйекте Ақтөбе облысында найзағай ойнап, желдің екпіні секундына 18, Атырау облысында кей жерлерде найзағай, шаңды дауыл тұрып, желдің екпіні секундына 15-20 метр болады.
16-17 қыркүйекте Шығыс Қазақстан облысында желдің екпіні секундына 15-20 метр болып, күндіз секундына 25 метрге жетеді.
16 қыркүйекте Батыс Қазақстан облысында, Қарағанды облысында, Қостанай облысында желдің екпіні секундына 15-20 метр болады. Қостанай облысында кей жерлерде бұршақ, тұман, дауыл болып, таңертең және күндіз кей жерлерде қатты жаңбыр жауады.
16 қыркүйекте Қызылорда облысында және Маңғыстау облысында күндіз найзағай ойнап, шаңды дауыл тұрып, желдің екпіні секундына 15-20 метр болады. Күндіз өрт қаупі өте жоғары болмақ.
16-17 қыркүйекте Павлодар облысында және Солтүстік Қазақстан облысында кей жерлерде найзағай ойнап, дауыл тұрып, күндіз бұршақ жауады. 17 қыркүйекте кей жерлерде қатты жаңбыр жауып, желдің екпіні секундына 15-20 метр болады.
16 қыркүйекте Түркістан облысында кей жерлерде шаңды дауыл тұрып, желдің екпіні секундына 15-20 метрге жетеді, кей жерлерде секундына 23 метр болады.
Төтенше жағдайлар министрлігі азаматтарды ауа райының өзгерістерін бақылауға шақырады.
618 рет оқылды
