Инфекциялық стационардан медбикемен қоса 18 жастағы жігіт те айығып шықты, деп хабарлайды Атырау облысының төтенше жағдай режимін қамтамасыз ету жөніндегі жедел штабы.
"23 сәуір күні Атырау облысында коронавирустан тағы екі адам жазылды. Аурудан айыққандар - облыстық аурухананың 37 жастағы медбикесі және 18 жастағы жергілікті тұрғын. Екеуіне жасалған ем-шарадан соң тест нәтижесі Covid-19 жоқ екенін көрсетіп, олар инфекциялық стационардан шығарылды" делінген хабарламада .
23 сәуір сағат 13.00-дегі мәліметтерге сәйкес, инфекциялық стационарда - коронавирус жұқтырған 51 науқас, провизорлық стационарда - ЖРВИ белгілері бар 16 адам, карантиндік стационарда - 103 жергілікті тұрғын бар.
Ал, 2843 адам үй карантинінде жатыр.
835 рет оқылды
