Қазіргі таңда коронавирустан айыққан ақсақал облыстық кардиологиялық диспансерге орналастырылды, деп хабарлайды Атырау облысындағы төтенше жағдай жөніндегі шұғыл штабы.
Атырау облысы денсаулық сақтау басқармасы басшысының міндетін атқарушы Гүлнафис Таңбаеваның айтуынша, 82 жастағы емделуші облыстық кардиологиялық диспансеріне жатқызылды.
«Екі жақты пневмония, яғни, өкпенің қабынуын тудырған коронавирус инфекциясы науқастың жүрек қан тамырларындағы ишемиялық ауруын қоздырып жіберді. Қазіргі таңда науқас кардиостимулятор аппаратына қосулы», - дейді Гүлнафис Таңбаева.
Бүгінгі таңда науқас тиісті ем қабылдап жатыр. Аритмологтар мен кардиологтардың бақылауында.
Еске сала кетейік, бүгінде Қазақстанда 568 адам коронавирустан жазылсса, оның ішінде 31 науқас - Атырау облысында.
1027 рет оқылды
