Арыс қаласын жанар-жағармаймен қамтамасыз ету мәселесі ҚР Энергетика министрлігінің жіті бақылауында, деп хабарлайды ведомствоның баспасөз қызметі.
«Қазіргі уақытта ҚР Энергетика министрлігінің қызметкерлері Арыс қаласындағы негізгі мұнай өнімдерін жеткізушілермен және ірі жанармай бекеттерінің басшыларымен тұрақты байланыста. Қажет болған жағдайда, Төтенше жағдайлардың алдын алу және жою мәселесі бойынша органдар Түркістан облысы әкімдігі арқылы Арыс қаласына жанар-жағармайдың қосымша көлемін жөнелтуді ұйымдастырады», делінген баспасөз хабарламасында.
Сонымен бірге, тиісті құрылымдарды қамтамасыз ету үшін Шымкент мұнай өңдеу зауытында мұнай өнімдерінің қоры жеткілікті екендігін атап өтілген. Онда бензиннің 30 мың тонна, дизель отынының 5,5 мың тонна қоры бар.
1779 рет оқылды
