Андрей есімді жанкүйерлер «Қайраттың» биылғы Қазақстан чемпионатындағы соңғы матчына тегін кіреді, деп хабарлайды "Ұлт ақпарат" клубтың ресми сайтына сілтеме жасап.
Еске сала кетейік, бұл - Андрей Аршавиннің алматылық клуб сапындағы соңғы ойыны.
«Егер сіздің атыңыз Андрей болса, чемпионаттың соңғы «Қайрат» - «Шахтер» ойынына тегін кіре аласыз. Ол үшін жай ғана Орталық стадионның кассасына келіп жеке куәлігіңізді көрсетсеңіз жетіп жатыр. Бір билетті қолыңызға ұстатады», - делінген клубтың мәлімдемесінде.
Андрей Аршавин «Қайратпен» қош айтысатын ойын 11 қараша күні Алматының Орталық стадионында өтеді.
1718 рет оқылды
