Алматыда соңғы тәулікте жаңадан 145 жағдай анықталды. Қазіргі уақытта COVID-19 диагнозы расталған 669 адам бар. Бұл туралы қалалық Қоғамдық денсаулық сақтау басқармасы мәлім етті, деп хабарлайды "Ұлт ақпарат".
«Олардың 104-і қазіргі уақытта провизорлық орталық болып табылатын Орталық қалалық клиникалық аурухананың қызметкерлері, 12-сі №12 қалалық емхананың, 11-і қалалық паллиативтік көмек орталығының қызметкерлері және 18 адам вирус жұқтырған науқаспен байланыста болғандар», – деп хабарлады басқармадан.
Бүгінгі күні 577 адам жұқпалы аурулар стационарында жатыр.
Екі пациенттің жай-күйі – өте ауыр, 6 адамда – ауыр, 168-і ауырлықтың орташа дәрежесінде және қалғандарында – қанағаттанарлық.
Алматыда коронавирус инфекциясынан 88 адам сауығып шықты.
Провизорлық госпитальдарда 452 адам, карантиндік оқшаулауда 352 адам, үй карантинінде 9 950 адам бар.
871 рет оқылды
