Алматыда көпқабатты тұрғын үйден өрт шықты, деп хабарлайды "Ұлт ақпарат".
Жанып жатқан үйдің видеосы әлеуметтік желілерде пайда болды.
«Бүгін, 10 қыркүйек күні кешкі сағат 17:48 минутта өрт сөндіру есептері Алмалы ауданы Розыбакиев көшесі, 45 мекенжайы бойынша шақыртуға жіберілді. Көпқабатты тұрғын үйдің 5-қабаттағы пәтері мен балконы ашық жалынмен жанып жатқаны анықталды. Қызыл жалын 7-ші қабаттың балконын шарпып үлгерген. Қабылданған шаралардың арқасында өрт сөндірушілер 22 минуттың ішінде жалынды оқшаулап, тағы 10 минуттан кейін толықтай сөндірді», – деп хабарлады Алматы қалалық Төтенше жағдайлар департаментінің баспасөз қызметінен.
Өртті сөндіруге жеке құрамнан 19 адам мен 5 техника, соның ішінде өрт баспалдағы жұмылдырылды.
Тілсіз жау 60 шаршы метр аумақты шарпыған. Оқиға себебі анықталып жатыр.
724 рет оқылды
