Алматыда демалыс күндері такси қызметі әдеттегі режимде жұмыс істейді. Бұл туралы қаланың Ерлан Әділов айтты, деп хабарлайды "Ұлт ақпарат".
«Маусымның 20-21 күндері көптеген ұйымдардың жұмысына шектеу қойылуына байланысты қоғамдық көліктер де жұмысын тоқтатады. Қала ішіндегі және сыртындағы маршруттар бойынша барлық автобус, троллейбус жұмысқа шықпайды. Ал такси жұмыс істеп тұрады. Таксопарктердің барлығы тәулік бойы жұмыс істейтін болады. Барлық көлік санитарлық дезинфекциялаудан өтетін болады», - деді қалалық мобильділік басқармасы басшысының орынбасары Ерлан Әділов.
Оның айтуынша, дүйсенбіден бастап қоғамдық көліктердің жұмысы қайта жанданады.
Бүгін Алматыда ірі сауда ойын-сауық орталығы, базарлар, азық-түліктен басқа тауарлар сататын базарлар, қоғамдық көліктің жұмысы 2 күнге тоқтатылатынын хабарлаған болатынбыз.
903 рет оқылды
