Алматы, Қарағанды, Ақмола облыстарында ертең жел күшейіп, жаңбыр немесе бұршақ жауады, деп хабарлайды "Ұлт ақпарат" Қазгидрометке сілтеме жасап.
26 тамызда Қарағанды облысының кей жерлерінде найзағай ойнап, бұршақ жаууы мүмкін. Солтүстіктен және солтүстік-шығыстан жел соғады, күші кей жерлерде 15-20 м/с жетеді. Облыстың оңтүстік-батысында төтенше өрт қаупі сақталады.
26 тамызда күндіз Ақмола облысының кей жерлерінде найзағай ойнайды. Түнде және таңертең кей жерлерде тұман түседі. Оңтүстік-батыстан, батыстан жел соғады, күндіз күші кей жерлерде 15-20 м/с жетеді.
Ертең күндіз Көкшетауда найзағай ойнап, оңтүстік-батыстан, батыстан жел соғады, екпіні 15-20 м/с жетеді.
26 тамызда Алматы облысының кей жерлерінде күн күркіреп, найзағай жарқылдайды. Жел оңтүстік-батыстан солтүстік-батысқа ауысады, жаңбыр алдында жылдамдығы 15-20 м/с жетеді.
2144 рет оқылды
