20 шіл, 2021 сағат 21:38

Әлемдегі ең бай адамдардың бірі Джефф Безос ғарышқа ұшты

Amazon компаниясының негізін қалаушы, әлемдегі ең бай адамдардың бірі Джефф Безос New Shepard кемесімен ғарышқа ұшты, деп хабарлайды ВВС.

New Shepard ғарыш кемесін Джефф Безостің жеке компаниясы Blue Origin құрастырған.

Оның бортында Blue Origin иесі - Безостың өзі, оның ағасы - Марк, сондай-ақ 82 жастағы Уолли Франк және 18 жастағы Оливер Дэмен болды. Бұл миссия - өзгелеріне қарағанда ерекше. Кемедегі Дэмен ғарышқа ұшқан ең жас адам болса, ал Франк - ең қарт адам.

Ұшу уақыты 10 минут 28 секундқа созылды. Экипаж капсуласы ғарыш шекарасы саналатын Карман сызығынан өтіп, 107 шақырым биіктікке жетті.

Онлайн транцляция кезінде экипаж мүшесі: "Өмірдегі ең жақсы күн!" - деп Blue Origin командасына рахмет айтып жатқаны естіледі.

ВТОРNew Shepard капсулалы ракетасы жергілікті уақытпен сағат 09:10-да Техастың батысындағы Безостың жеке ғарыш айлағынан ұшырылды. Одан кейін әуе кемесі зымыран тасығыштан бөлініп 107 км биіктікке көтерілді.

Сосын кеменің жылжымалы таяқты капсуласы жерге сәтті қонды.

Безос мінген кеме жақында ғана ғарышқа сапар жасаған британдық миллиардер Ричард Брэнсоннан жоғары ұшқан. Егер Virgin Galactic компаниясының Unity кемесі Жерден 90 км биіктікке көтерілсе, New Shepard 107 км ұшқан.

Айта кетейік, бұған дейін миллиардер Ричард Брэнсон ғарышқа ұшқаны хабарланған болатын. Ол бұл сапарды үш жыл жоспарлаған. 11 шілдеде 20.30-да (астана уақыты бойынша) Virgin Galactic Unity-22 зымыраны ұшты. Зымыранның ұшу процесі Virgin Galactic сайты арқылы тікелей эфирде көрсетілген еді.