Жұма күні АҚШ-тың Техас және Луизиана штаттарының жағалауындағы аймақтарда «Дельта» дауылының жақындауына байланысты электр жарығы жаппай өшірілді. Бұл туралы елдегі электр энергиясымен жабдықтау жағдайын бақылайтын poweroutage.us порталы жазды.
Техаста шамамен 115 мыңдай тұтынушы, Луизианада 270 мыңнан астам адам жарықсыз қалды.
АҚШ-тың Дауылды бақылау жөніндегі ұлттық орталығы хабарлағандай, аталған штаттардың жағалау аймақтарында қазір ауа райына байланысты ескерту жарияланған. Нөсер жаңбыр салдарынан су тасқыны қаупі бар. Орталық жергілікті тұрғындарға қауіп туралы ескертеді.
914 рет оқылды
