Африка континенті COVID-19 жұқтырғандар саны бойынша көшбасшылар қатарында. 12 тамыздағы жағдай бойынша коронавирустық инфекцияның 7 136 140 расталған жағдайы тіркелді, деп хабарлайды Африканың ауруларды бақылау және алдын алу орталығы.
COVID-19 таралуына жол бермеу жөніндегі ведомствоаралық комиссияның Telegram каналындағы мәліметтерге қарағанда, құрлықтағы пандемия құрбандарының жалпы саны 179 986 адамды құрады.
COVID-19 жағдайларының ең көп саны тіркелген елдер - Оңтүстік Африка Республикасы, Марокко, Тунис, Египет және Эфиопия.
АҚШ толық иммундау курсынан кейінгі ревакцинацияны қолданады. Азық-түлік және дәрі-дәрмек сапасы жөніндегі басқарма иммунитеті төмен адамдар үшін вакцинаның үшінші дозасын қолдануды мақұлдады. Үшінші доза ретінде Pfizer және Moderna компанияларының препараттары қолданылады.
«Басқарма коронавирусқа қарсы Pfizer және Moderna вакциналарын төтенше жағдайларда қолдануға рұқсат берді, бұл кейбір иммунитеті төмен адамдарға қосымша дозаны қолдануға мүмкіндік ұсынады», - делінген агенттіктің сайтында.
812 рет оқылды
