Air Astana компаниясы ұсынатын бағалар Bek Air компаниясы алғаш ұсынған билеттердің бағасынан қымбат болмайды, деп хабарлайды "Ұлт ақпарат" ҚР Индустрия және инфрақұрылымдық даму министрлігінің баспасөз қызметіне сілтеме жасап.
«Bek Air компаниясының 7 қаңтарға дейін тыйым салынған рейстеріне билет алған жолаушылар үшін Air Astana компаниясы орын болған жағдайда Bek Air компаниясынікінен қымбат емес бағада ұсынады», - делінген хабарламада.
Air Astana Нұр-Сұлтаннан Алматы қаласына қатынайтын және 27-29 желтоқсан аралығында кері қатынайтын қосымша 5 рейс қосты.
Air Astana әуе компаниясы Bek Air жолаушыларын қажетті жеріне уақытында жеткізу мақсатында ішкі рейстерді қосу жұмыстарын жалғастыруда.
1180 рет оқылды
