Бүгін ҚР Ақпарат және қоғамдық даму министрі Аида Балаева киносыншылармен кездесті, деп хабарлайды "Ұлт ақпарат" министрліктің баспасөз қызметіне сілтеме жасап.
Балаева министрлік телехикаялар өндірісі бойынша сметалық қаржыландыру мәселесіне қатысты жұмыс пысықталып отырғандығы және продакшндердің кәсіпқойлық деңгейі негізінде іріктеу мақсатында мемлекеттік ақпараттық тапсырысты үлестіру ережелерін өзгерту жоспарланып отырғандығы туралы хабардар етті.
«Шетелдің, ең алдымен өзіміз де танысқан Түркияның тәжірибесі көрсетіп отырғандай, телехикаялардың идеологиялық мазмұны мен сапасын арттыру аспектілерінде тек киносериалдық өндіріс кешенінің барлық қатысушылары біріккенде ғана, яғни сценарист пен режиссерден бастап сыншы-рецензентке дейін, бұл салада едәуір нәтиже көрсетуіміз мүмкін. Бұл процестерге киносыншылар институты қатыспай, қазақстандық телехикаялар мәдени периферияда қала бермек», - деді министр.
Іс-шараның соңында Аида Балаева министрлік телехикая өнімі саласын дамыту мәселесі бойынша сындарлы ұсыныстарға ашық екенін атап өтті.
«Ақпарат және қоғамдық даму министрлігі телехикаялардың кәсіби орындалуы мен идеологиялық мазмұнының сапасын арттыру мақсатында сіздерді ынтымақтастыққа шақырады» - деді ол.
1237 рет оқылды
