Фото: видеодан скриншот
Әнші Абай Бегейдің қызы Сымбат Абайқызы әлеуметтік желідегі парақшасында бет-аузы көгерген видеосын жариялап, оқырмандарын біраз әбігерге салды, деп хабарлайды Ult.kz.
Видео астында Сымбат: «Енем ескертусіз келіп қалды» деп жазба қалдырған. Бастапқыда көпшілік видеоны шын жағдай деп ойлап, алаңдаушылық білдірген. Алайда кейін белгілі болғандай, бұл — әзіл мен әлеуметтік желідегі пранк-трендтің бір бөлігі екен.
Дегенмен, видеоны көрген желі қолданушыларының пікірі екіге бөлінді. Бірі:
«Қайдағыны шығарып…»,
«Ойбуу, әбден күлдім»,
«Енең сені жақтап ұрысам дегенше өз баласын давно ұрып емін беріп қойдың ба?» — деп әзілге бұрса,
енді бірі:
«Бұл күлкі ететін нәрсе емес»,
«Мұндай трендтерді тоқтату керек»,
«Еріккеннің ермегі ғой» — деп сынға алды.
Айта кетейік, соңғы уақытта әлеуметтік желілерде түрлі "реакция пранктары" мен отбасылық әзіл видеолар кеңінен тарап, кейде қоғамда теріс қабылдау мен даулы пікірлерге себеп болып жүр.
