Қазгидромет 9 қыркүйекке арналған ауа райы болжамын ұсынады, деп хабарлайды "Ұлт ақпарат"
Атмосфералық ауа ағындардың өтуіне байланысты еліміздің оңтүстік-батысында, солтүстік-батысында, солтүстігінде, оңтүстігінде және орталығында жаңбыр жауып, найзағай жарқылдайды шығысында нөсер жаңбыр жауады.
Тек батыс өңірде ауқымды антициклон жотасының әсерінен жауын-шашынсыз ауа райы күтіледі. Республиканың солтүстігінде, солтүстік-батысында, орталығында, оңтүстігінде және оңтүстік-шығысында жел күшейеді. Солтүстігінде, солтүстік-батысында және орталығында тұман, шығысында және еліміздің оңтүстік-шығысындағы таулы аудандарда – бұршақ жаууы ықтимал.
Шығыс Қазақстан облысының батысында, солтүстік-батысында, солтүстік-шығысында найзағай жарқылдап, бұршақ түсуі ықтимал. Желдің жылдамдығы15-20 м/с жетеді.
Түнде және таңертең Ақмола облысының солтүстік-батысында тұман күтіледі, түнде шығысында, күндіз солтүстік-батысында жел 15-20 м/с күшейеді.
Күндіз Қостанай облысының солтүстік-батысында найзағай, түнде және таңертең шығысында тұман түседі, күндіз облыстың солтүстік-батысында жел тұрады, екпіні 15-20 м/с жетеді.
Солтүстік Қазақстан облысының солтүстігінде найзағай күтіледі, күндіз жел 15-20 м/с күшейеді.
Түнде Павлодар облысының солтүстігінде, шығысында тұман түседі, желдың жылдамдығы 15-20 м/с болады.
Күндіз Жамбыл облысының шығысында, оңтүстік-шығысында және тау бөктері аудандарында найзағай, бұршақ күтіледі, найзағай жарқылдаған кезінде жел 15-20 м/с күшейеді.
Күндіз Алматы облысының таулы және тау бөктеріндегі аудандарында найзағай жарқылдайды, желдің жылдамдығы 15-20 м/с жетеді.
Күндіз Түркістан облысының батысында және таулы аудандарында, Қызылорда облысының оңтүстігінде жел 15-20 м/с күшейеді.
Атырау облысының орталығында, түнде және таңертең Қарағанды облысының солтүстігінде тұман күтіледі.
Түнде Ақмола, Павлодар облыстарының солтүстігінде, солтүстік-шығысында 2 градус үсік күтіледі, Солтүстік Қазақстан облысының солтүстігінде, Қостанай облысының солтүстігінде және шығысында топырақ бетінде 2 градус үсік жүреді.
Алматы, Жамбыл, Түркістан, Қызылорда, Маңғыстау, Атырау, Ақтөбе, Қостанай облыстарының басым бөлігінде, Батыс Қазақстан облысының солтүстік-шығысында және оңтүстігінде, Қарағанды, Ақмола облыстарының батысында, Павлодар облысының орталығында, Шығыс Қазақстан облысының оңтүстігінде және оңтүстік-шығысында өрт қаупі сақталады.
1106 рет оқылды
