Memleket basshysy Qasym-Jomart Toqaev bekitken Digital Qazaqstan strategiiasyn júzege asyrý sheńberinde QazTech platformasy memlekettik qyzmetterdiń tsifrlyq ekojúiesiniń negizine ainaldy. Tsifrlyq júielerdi kóshirý boiynsha biylǵy jospar 92%-ǵa oryndaldy. Bul týraly Premer-ministr Oljas Bektenovtiń tóraǵalyǵymen ótken Úkimet otyrysynda Premer-ministrdiń orynbasary — jasandy intellekt jáne tsifrlyq damý ministri Jaslan Mádiev málimdedi, dep habarlaidy ult.kz.
«“Áleýmettik ámiian” proaktivti áleýmettik qoldaý kórsetýdi qamtamasyz etip, 3 mln paidalanýshyny qamtidy. e-Otinish-tegi jasandy intellekt kómegimen 3,2 mln-nan astam ótinish óńdeldi. eGov GPT arqyly 51 qyzmet qoljetimdi. Jyl sońyna deiin jalpy trafiktiń 80%-yn quraityn eń suranysqa ie 150 qyzmet qamtylady. 2028 jylǵa qarai jasandy intellekt negizindegi qyzmetterdiń úlesin 40%-ǵa jetkizý, al 2029 jylǵa qarai qyzmet alý ýaqytyn eki ese qysqartý kózdelgen», — dedi Jaslan Mádiev.
Vitse-premerdiń aitýynsha, Halyqqa qyzmet kórsetý ortalyqtaryn tsifrlyq keńselerge transformatsiialaý júrgizilýde. Jańa halyqtyń tsifrlyq keńselerinde azamattar qyzmetterdi eGov GPT tsifrlyq kómekshisi ornatylǵan terminaldar arqyly óz betinshe ala alady. Qazir 4 óńirde 5 tsifrlyq keńse ashyldy. Taǵy 10 óńirde qarjylandyrý máselesi sheshildi.
