Zorlyqtan zardap shekken aqtaýlyq kishkene qyzdyń Astanaǵa jetkizilgenin 27 tamyz kúni Qazaqstannyń densaýlyq saqtaý jáne áleýmettik damý ministrligi habarlady. Ministrliktiń resmi saityndaǵy aqparatqa qaraǵanda aqtaýlyq kishkene qyz tańǵy saǵat 05:20-da Astanadaǵy "Ana men bala" ǵylymi meditsinalyq ortalyǵyna mobildik brigada kómegimen jetkizilgen.
Ministrliktiń resmi saitynda "Sanitarlyq aviatsiia respýblikalyq ortalyǵynyń mobildik brigadasy zorlyqtan zardap shekken aqtaýlyq alty jasar qyzdy Astanaǵa ákeldi. Patsienttiń jaǵdaiy aýyr dep baǵalanyp otyr"dep jazylǵan.
Ministrlik qazir oǵan barlyq qajetti arnaiy meditsinalyq kómek jasalyp jatqanyn habarlaidy.
Buǵan deiin zorlanǵan qyz balanyń Mańǵystaý oblystyq aýrýhanasynyń jansaqtaý bóliminde komada jatqany týraly aqpar berilgen edi. Mańǵystaý oblysy ákimi Alik Aidarbaev tamyzdyń 26-sy kúni alty jasar qyzdy zorlaǵan adam jóninde aqparat bergen azamatqa úsh million teńge syiaqy beriletinin málimdegen bolatyn.
Aqtaý qalasynda turatyn alty jasar qyz balanyń joǵalǵany týraly onyń ata -anasy politsiiaǵa 20 tamyz kúni habarlaǵan. Sol kúni keshke qyz bala qala shetindegi «Nur Plaza» jaǵajaiy mańynan tabylǵan. Dárigerler onyń zorlanǵan rastap, Mańǵystaý politsiiasy qylmystyq is qozǵaǵan. Tamyzdyń 23-i kúni beinkameraǵa túsip qalǵan birneshe ózbekstandyq gastarbaiter qamaýǵa alynǵanymen, olardyń kinási dáleldenbedi.
