Foto: Pexels.com
Jyldar boiy zorlyq-zombylyqqa shydap kelgen adamdardyń kóbi udaiy kúizeliste júredi, deidi psihiatr Jibek Joldasova.
Mamannyń aitýynsha, mekteptegi býlling ómir boiyna qorqynysh sezimin qaldyrady. Fizikalyq býllingten (mysaly, júieli túrde uryp-soǵý) keiin adamdar ainalasyndaǵynyń bárinen qorqyp júredi. Álem olar úshin únemi qaýipti bolyp kórinedi, jáne mundai jaǵdaida ómir súrý kóptegen adamdar úshin múmkin emes.
"Dál osyndai saldar tiran, abiýzermen ómir súrgen adamdarda da kezdesedi. Jyldar boiy qorqynyshta ómir súrgen áielder, kóbinese, depressiiaǵa ushyraidy. Kópshiligi óz ashýyn balalarynan alyp, keiin sol úshin ózin kináli sezinip, odan ári tereń kúizeliske batady. Bul keide ómirdiń mánin joǵaltýǵa alyp keledi. Kóptegen áiel basynan ótken jaǵdaidy bylai dep sipattaidy: «Ózime qol jumsaýǵa sheshim qabyldadym jáne balalarymdy da ózimmen birge alyp ketkim keldi». Osyǵan uqsas tragediialar týraly jańalyqtardan oqyǵanda, olar nege solai bolǵanyn jaqsy túsinetinderin aitady", - deidi psihiatr.
Jibek Joldasova kópjyldyq qiyndyqtarǵa úirenip qalǵan mi qyrtysyna basqasha ómir súrýge bolatynyn qaita úiretý qiyn bolady.
"Tipti jaǵdai jaqsy jaqqa ózgergenniń ózinde (mektepti aiaqtady, kúieýi qaitys bolyp ketti jáne t.b.), mamannyń kómeginsiz adam depressiiadan shyǵa alýy ekitalai. Kópjyldyq qiyndyqtar midy únemi kúizeliske daiyn bolýǵa úiretip, ótkendi bosatýǵa múmkindik bermeidi. Sondyqtan ýaqytynda mamandarǵa júginip, balalaryńyzdyń jan aiqaiyn tyńdap, olardy qorǵańyz", - dep keńes berdi maman.
