Foto: ashyq derekkóz
Jetisý oblysynda áleýmettik jeli arqyly azamattardy bopsalaǵan Taldyqorǵan qalasynyń 9 turǵynyna qatysty sot úkimi shyqty, dep habarlaidy Ult.kz.
Oblys prokýratýrasynyń málimetinshe, 2024 jyldyń mamyr aiynan 2025 jyldyń naýryzyna deiin óńir aýmaǵynda uiymdasqan top áreket etken. Kúdiktiler áleýmettik jeliler men mobildi qosymshalar arqyly jábirlenýshilermen tanysyp, senimine kirgen. Keiin túrli syltaýmen olardy óz úilerine shaqyrǵan.
Qylmystyq shema psihologiialyq qysym men manipýliatsiiaǵa negizdelgen. Aiyptalýshylar jábirlenýshilerdi «zorlaý faktisi boiynsha politsiiaǵa aryz beremiz» dep qorqytyp, «máseleni sheshý» úshin iri kólemde aqsha talap etken. Top músheleri aldyn ala bólingen rólder boiynsha áreket etip, azamattarǵa júieli túrde qysym kórsetken.
Quqyq qorǵaý organdary zańsyz áreketti áshkerelep, kúdiktilerdi ustaǵan. Sotqa deiingi tergep-tekserý aiaqtalǵannan keiin qylmystyq is sotqa joldanǵan.
Sot otyrysynda memlekettik aiyptaýshy usynylǵan dáleldemelerdiń jetkilikti ekenin dáleldedi. 2026 jylǵy 30 qańtarda Taldyqorǵan qalalyq sotynyń úkimimen aiyptalýshylar Qazaqstan Respýblikasy Qylmystyq kodeksiniń 194-baby 2-bóliginiń 1), 2) jáne 3) tarmaqtary boiynsha kináli dep tanylyp, ártúrli merzimge bas bostandyǵynan aiyrý jazasyna kesildi.
Úkim zańdy kúshine engen joq.
