Foto: Polisia.kz
Polisia.kz portalynyń málimetinshe, Abai oblysynda investitsiia atyn jamylǵan alaiaqtyq deregi áshkerelendi, dep habarlaidy Ult.kz.
Semei qalasynda 24 jastaǵy jergilikti turǵyn azamattardy “tiimdi investitsiia” jáne qysqa ýaqytta mol tabys tabý ýádesimen aldap kelgen. Tergeý barysynda onyń 2025 jyldyń qyrkúiek–qarasha ailary aralyǵynda ózin senimdi qarjylyq keńesshi retinde tanystyryp, turǵyndardyń senimine kirgeni anyqtaldy. Ol joǵary kiriske kepildik beretin jobalar bar ekenin aityp, qarjy salýǵa úgittegen.
Nátijesinde úsh birdei semeilik jábirlengen:
20 jastaǵy azamat 715 myń teńgesinen aiyrylǵan.
21 jastaǵy turǵyn 2 mln 617 myń teńgeni kúdiktige bergen.
63 jastaǵy zeinetker 220 myń teńgesin joǵaltqan.
Kúdikti tergeý kezinde kinásin tolyq moiyndaǵan. Belgili bolǵandai, ol jinalǵan qarajatty jeke maqsattaryna jumsaǵan. Sondyqtan qarjy tárkilenbegen.
Atalǵan fakti boiynsha qylmystyq is alaiaqtyq baby boiynsha tirkeldi. Kúdiktige kelý mindettemesi túrindegi bultartpaý sharasy qoldanylǵan.
Politsiia turǵyndardy jyldam áriońai tabys ýáde etetin kúmándi investitsiialyq usynystardan saq bolýǵa shaqyrady. Mamandar qarjy salmas buryn kompaniianyń zańdylyǵy men senimdiligin muqiiat tekserý qajettigin eskertedi.
