Foto: 24.kz
Aqmola oblysynda eki 18 jastaǵy azamat psihotroptyq zattardy zańsyz saqtaý jáne tasymaldaý faktileri boiynsha sottaldy, dep habarlaidy Ult.kz.
Aqmola oblysy Býrabai aýdandyq soty 2025 jyldyń qazan-qarasha ailarynda jastardyń áleýmettik jeli arqyly bailanysqan kýratorlardyń tapsyrmasymen aýdan aýmaǵyna kelgenin anyqtady. Olarǵa zańsyz áreketterdi oryndaǵany úshin aqshalai syiaqy ýáde etilgen.
Sot materialdaryna sáikes, aiyptalýshylar psihotroptyq zattardy saqtaý jáne tasymaldaýmen ainalysqan.
Sot úkimimen árqaisysyna ortasha qaýipsizdik mekemesinde 7 jyl merzimge bas bostandyǵynan aiyrý jazasy taǵaiyndaldy.
Býrabai aýdany prokýratýrasy zańsyz esirtki jáne psihotroptyq zattardyń ainalymyna qatysý qatań qylmystyq jaýapkershilikke ákep soǵatynyn eskertti.
Prokýratýra ókilderiniń aitýynsha, internette usynylatyn «jyldam tabys» týraly jarnamalar kóbine qylmystyq árekettermen bailanysty bolady jáne onyń sońy aýyr saldarǵa alyp kelýi múmkin.
