Jyl saiyn orta eseppen 18 myńnan astam tabiǵi jáne tehnogendik sipattaǵy tótenshe jaǵdai tirkeledi, dep habarlaidy "Ult aqparat" Tótenshe jaǵdailar ministrligine silteme jasap.
Ministrliktiń qyzmetinde tótenshe jaǵdailardyń aldyn alý jáne olardy joiý jónindegi jumys erekshe mańyzdy bolyp tabylady. Quramyna órt sóndirýshiler, qutqarýshylar, kinologtar, dárigerler, psihologtar, ushqyshtar kiretin qyzmetkerler tótenshe jaǵdailardy joiady, órtterdi sóndiredi, adamdar men múlikti qutqarady.
TJ qyzmetteriniń jumys istegen jyldary (1995-2020 jyldar aralyǵynda)tótenshe jaǵdailar men órtti sóndirý kezinde 1 mln 353 myńnan astam adam qaýipsiz jerge shyǵaryldy. Olardyń qyzmeti, kásibiligi men jedeldiginiń arqasynda 374 myńnan astam adam qutqaryldy, 334 myńnan astam TJ aimaǵynan evakýatsiialandy, 55 myńnan astam zardap shekkenderge meditsinalyq kómek kórsetildi.
Jyl saiyn orta eseppen 18 myńnan astam tabiǵi jáne tehnogendik sipattaǵy tótenshe jaǵdai tirkeledi, onyń ishinde 15 myń órt bolady. TJ aimaǵynan qutqarýshylar 8 myń azamatty qutqarady, 20 myńnan astam adamdy evakýatsiialaidy, 4,5 myń zardap shekkenderge meditsinalyq kómek kórsetiledi.
2020 jyldyń basynan bastap qutqarý bólimsheleri órtterge jáne avariialyq-qutqarý jumystaryna 53 myń shyǵýdy júzege asyrdy, 11 myń adam qutqaryldy, TJ aimaǵynan 14 myńǵa jýyq adam evakýatsiialandy, 3 myń zardap shegýshige alǵashqy meditsinalyq kómek kórsetildi.
Eske salsaq, búgin qazaqstandyqtar Qutraýshylar kúnin atap ótýde.
