Jyl basynan beri elimizdegi óndiriste jazataiym oqiǵa saldarynan 564 adam zardap shekti. Bul týraly QR Úkimetiniń otyrysynda Eńbek jáne halyqty áleýmettik qorǵaý ministri Serik Shápkenov aityp berdi, dep habarlaidy QazAqparat.
«Memleket tarapynan qaýipsiz eńbek jaǵdailaryn jaqsartý máselelerine airyqsha kóńil bólinedi, bul jumyskerlerdiń quqyqtaryn qorǵaýdyń mańyzdy talaby bolyp tabylady. Qazaqstanda jyl saiyn 400-den astam kásiptik aýrýlar tirkeledi. Qabyldanǵan keshendi sharalardyń nátijesinde sońǵy 5 jylda óndiristik jaraqat alǵandardyń sany 10%-ǵa azaiyp otyr. Onyń ishinde qaza tapqandardyń sany 16%-ǵa tómendedi. Al myń adamǵa shaqqandaǵy jazataiym oqiǵalardyń jiilik koeffitsienti 0,32-den 0,23-ke deiin tústi», - dedi Serik Shápkenov Úkimet otyrysynda.
Biylǵy bes aidyń qorytyndysy boiynsha jazataiym oqiǵanyń saldarynan 564 adam zardap shekti. Olardyń 19,5%-y taý-ken, metallýrgiia kásiporyndarynda, 10%-y qurylys salasynda jáne 4,5%-y kommýnaldyq sharýashylyǵynda jaraqat aldy.
«Resmi statistikaǵa sáikes 2020 jyly kásiporyndarda zerttelgen 1,6 million jumyskerdiń 367 myńy nemese 22% ziiandy eńbek ornynda jumys istegen. Olardyń basym kópshiligi ónerkásiptik óńirlerde, iaǵni Qaraǵandy, Pavlodar, Shyǵys Qazaqstan, Mańǵystaý oblystarynda qyzmet etken. Árbir ekinshi adam shý men dirildiń, al árbir úshinshisi jumys aimaǵynda gazdyń lastanýy men shańdanýdyń joǵary jaǵdaiynda eńbek etedi. Ekonomika salalary boiynsha ziiandy eńbek jaǵdaiynda jumyspen qamtylǵandardyń eń kóp sany taý-ken jáne óńdeý ónerkásipterine tiesili», - deidi Eńbek ministri.
