2021 jyldyń basynan beri 5,6 myńnan astam etnikalyq qazaq qandas mártebesin aldy, dep habarlaidy "Ult aqparat".
Eńbek jáne halyqty áleýmettik qorǵaý ministrliginiń málimetinshe, 1 mamyrǵa deiin 5 685 adam tarihi otanyna oralyp, qandas mártebesin alǵan.
Jalpy 1991 jyldan bastap respýblikaǵa 1 mln 76,1 myń etnikalyq qazaq oraldy.
Osy jyldyń basynan bastap Qazaqstanǵa kelgen qandastardyń jartysynan astamy (76,9%) Ózbekstannan, 10,7%-y QHR-dan, 5,4%-y Túrikmenstannan, 2,9%-y Mońǵoliiadan jáne 4%-y basqa elderden kelgen.
Kelgen etnikalyq qazaqtar negizinen Almaty (31%), Túrkistan (15,8%), Mańǵystaý (15,9%) jáne Jambyl (7,8%) oblystarynda, sondai-aq Shymkent qalasynda (11,4%) qonystandy.
1 mamyrdaǵy jaǵdai boiynsha eńbekke qabiletti jastaǵy etnikalyq qonys aýdarýshylardyń úlesi - 57,2%, eńbekke qabiletti jastan kishi adamdar - 24,6% jáne zeinetkerler - 18,2%.
Eńbekke qabiletti jastaǵy qandastardyń ishinde bilim deńgeii boiynsha 11,1%-ynyń joǵary, 39,8%-ynyń arnaiy orta, 45%-ynyń jalpy orta bilimi bar jáne 4,1%-ynyń bilimi joq.
