Stambýlda Ortalyq Aziia elderiniń 140-qa jýyq turǵyny ustaldy. Azattyq radiosynyń málimeti boiynsha, ustalǵandardyń deni - Ózbekstan azamattary. Júzdegen ózbekti túrik biligi el aýmaǵynan shyǵaryp tastaýy múmkin.
Túrkiia qaýipsizdik kúshteriniń 29 shildede ótkizgen alǵashqy tekserýinde Ózbekstannyń 29 azamaty ustaldy. Odan soń olar taǵy 100-ge jýyq ózbek migrantyn anyqtady. Ózbekstan halyq qozǵalysynyń málimeti boiynsha, ustalǵandardyń 80 paiyzy bosatylǵan, 40 adamǵa Túrkiia aýmaǵyn bir aidyń kóleminde tastap ketý týraly talap qoiylǵan.
Ózbek oppozitsiialyq "Erk" partiiasynyń jetekshisi, qazir Túrkiiada turatyn Muhammad Salihtyń Azattyq radiosyna habarlaýynsha, qazirgi tańda 60 adamdy stambýldyq Qumqala aýdanyndaǵy departatsiialyq ortalyqta ustap otyr.
– Olardyń tórteýi Tájikstan azamaty, altaýy - Qyrǵyzstan, toǵyz reseilik jáne bir qazaq bar, qalǵandarynyń barlyǵy - ózbekter. Túrkiiadan óz erikterimen ketýge sóz bergen 40 adam bosatyldy, - dedi Muhammad Salih.
Onyń aitýynsha, Túrkiiada ustalǵandardyń deni - dini qýdalaýǵa shydai almai elden ketkender. "Sol sebepti olardy Túrkiiadan kóshirýge jol berýge bolmaidy", - dedi óz oppozitsioneri.
