Foto: ashyq derekkóz
Jýrnalist Botagóz Omarova kórineý jalǵan aqparat taratý isi boiynsha kúdikti retinde úiqamaqqa alyndy dep habarlaidy Ult.kz.
Málimetke sáikes, sot sheshimimen jýrnalistke qatysty bultartpaý sharasy retinde úiqamaq taǵaiyndalǵan. Sondai-aq túngi ýaqytta onyń úiinde tintý júrgiziletini aitylǵan.
20 naýryz keshinde Omarova óziniń politsiiada otyrǵanyn habarlaǵan. Keiin Astana qalalyq politsiia departamenti oǵan qatysty kórineý jalǵan aqparat taratý faktisi boiynsha sotqa deiingi tergep-tekserý bastalǵanyn málimdedi. Iske negiz bolǵan – túsken aryz.
Bastapqyda jýrnalist is boiynsha qorǵaý quqyǵy bar kýá retinde jaýap bergen.
Osy jaǵdaiǵa bailanysty Astanadaǵy jýrnalistiń áriptesteri de pikir bildirip, quqyq qorǵaý organdary tarapynan tolyq aqparattyń berilmeýine alańdaýshylyq tanytty.
