1 jeltoqsandaǵy jaǵdai boiynsha Memlekettik áleýmettik saqtandyrý qorynan jumysynan aiyrylýyna bailanysty 100,1 myń adam áleýmettik tólem aldy. Bul rette biyl 73,3 myń adamǵa tólem alǵash ret taǵaiyndaldy, dep habarlaidy Eńbek jáne halyqty áleýmettik qorǵaý ministrliginiń baspasóz qyzmeti.
Vedomstvo málimetinshe, qoldanystaǵy zańnamaǵa sáikes jumystan bosatylǵan jumyskerler mindetti áleýmettik saqtandyrý júiesine qatysý ótiline jáne sońǵy 24 aidaǵy tabysyna bailanysty 1 aidan 6 aiǵa deiin jumysynan aiyrylýy boiynsha áleýmettik tólem alady.
Tólem joǵalǵan kiristiń 40%-yna deiingi mólsherde MÁSQ qarajaty esebinen júzege asyrylady.
«Tólem taǵaiyndaý úshin jumystan bosatylǵan jumyskerge:
- eGov.kz portalynda avtorizatsiialaný;
- «Jumysqa ornalastyrý jáne jumyspen qamtý» bóliminde «Jumys izdeýshi adamdardy tirkeý» qyzmetin tańdaý;
- onlain qyzmetke tapsyrys berip, barlyq joldardy toltyrý jáne oǵan ETsQ-men qol qoiyp, ótinimdi jiberý qajet;
- bir kún ishinde turǵylyqty jerińizdegi halyqty jumyspen qamtý ortalyǵy (budan ári – HJQO) bos jumys oryndaryn usynady;
- eger jumys tabylmasa, 3 jumys kúni ishinde qashyqtan jumyssyz mártebesi beriledi (qajet bolǵan jaǵdaida sizge HJQO qyzmetkeri qosymsha aqparat jinaý úshin habarlasady)», delingen habarlamada.
Bul qyzmetti onlain rejiminde Elektrondyq eńbek birjasy arqyly da alýǵa bolady.
«Jumyssyz retinde tirkelý týraly málimetter bolǵan kezde ministrliktiń aqparattyq júiesi proaktivti formatta MÁSQ-tan tólemdi taǵaiyndaý boiynsha qyzmet kórsetýge kelisý úshin mobildi telefonǵa SMS habarlama jiberedi. Kelisken jaǵdaida SMS habarlamaǵa jaýap berý qajet. Tólem avtomatty túrde taǵaiyndalady», delingen habarlamada.
Esterińizge sala keteiik, MÁSQ qarajaty esebinen jumystan aiyrylǵan jaǵdaida tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adamdy ol jumys izdegen kezeńde qoldaýǵa arnalǵan.
Budan buryn habarlanǵandai, QR Eńbek jáne halyqty áleýmettik qorǵaý ministrligi Elektrondyq eńbek birjasy arqyly halyqty jumyspen qamtý ortalyqtarynyń qashyqttan qyzmet kórsetý fýnktsisyn iske qosty.
Bul jumyssyzdardy tirkeý jáne azamattardyń jumyspen qamtýdy qoldaý boiynsha memlekettik qyzmetterdi, onyń ishinde jumysynan aiyrylǵandardyń áleýmettik tólem alý rásimderin jeńildetýge múmkindik berdi. Endi barlyǵyn tek internet, kompiýter jáne elektrondyq tsifrlyq qoltańba arqyly ǵana jasaýǵa bolady.
