Jumysshynyń vaktsinadan keiin demalys alýyna múmkindigi bar ma? Bul saýalǵa QR Eńbek jáne halyqty áleýmettik qorǵaý vitse-ministri Erjan Birjanov jaýap berdi, dep habarlaidy QazAqparat.
«Kóptegen adam vaktsinatsiiadan keiingi alǵashqy kúnde ózin jaisyz sezinetindigine shaǵymdanýda. Zańnamada vaktsinatsiiadan keiin tym bolmaǵanda bir kún demalys alý múmkindigi qarastyrylǵan ba? Bolmasa mundai norma engizý kózdelip otyr ma?», - dep suraǵan edi BAQ ókilderi vitse-ministrden Ortalyq kommýnikatsiialar qyzmetindegi baspasóz máslihaty barysynda.
«Iá, qazirgi ýaqytta jappai vaktsinatsiia júrip jatyr. Bul óte durys is-shara dep sanaimyn. Óitkeni, kez kelgen kásiporynnyń, tipti bizdiń uiymymyzdyń odan arǵy qyzmeti vaktsina alǵandardyń sanyna bailanysty. Tezirek vaktsina alsaq, onda jumysshy óziniń jumys ornyna oralady»,- dedi vitse-ministr.
Onyń atap ótýinshe, adam vaktsina alǵannan keiin ózin jaisyz sezinse, onda eńbekke jaramsyzdyq paraǵyn ashtyra alady.
«Jaisyz sezinýge qatysty aitar bolsam, ondai adamdar kóp emes. Vaktsinadan keiin qandai da bir janama áser paida bolǵan jaǵdaida arnaiy 30 minýt berilip, adam baqylaýda bolady. Eger qandai da bir janama áser bolsa, onda dárigerge júginý kerek. Dárigerge júgingen kezde simptomdar bilinse, eńbekke jaramsyzdyq paraǵyn ashtyra alady. Munyń bári jeke-jeke qaralady. Al vaktsinadan keiin barlyǵyna jappai demalys berý máselesin qarastyrý tiimsizdep oilaimyn», - dedi Erjan Birjanov.
