Jumys istep tabys taýyp júrgen stýdentter de 42 500 teńge áleýmettik tólem ala alady. Bul týraly búgin Ortalyq kommýnikatsiialar qyzmetindegi brifingte QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Stýdentter áleýmettik tólem ala ma degen de suraq kelip jatyr. Bul rette stýdentter degen bólek sanat joq. Sebebi ol - elimizdiń kámelettik jasqa tolǵan azamaty. Eńbek zańyna sáikes, 16 jastan bastap jumys isteýge bolady. Shákirtaqy alatyndyǵyna, almaityndyǵyna qaramastan jumys isteýine esh kedergi joq. Ondai shekteý de qoiylmaidy», - dedi ministr.
Onyń atap ótýinshe, stýdentterdiń basym kópshiligi oqý protsesine kedergi kelmeitin ýaqytta jumys istep júr.
«Meiramhanalarda daiashy, dúkenderde satýshy bolyp jumys isteitinder bar. Olar resmi jáne beiresmi jumys istep júr. Sondyqtan stýdentterge jalpy barlyq azamattarǵa birdei tártip qarastyrylady. Eger resmi jumys istese, jumys berýshi beredi. Al óz betinshe aqsha taýyp júrgender bolsa, ótinish berýleri qajet. Biraq, odan bir kún buryn biryńǵai jiyntyq tólemdi tóleýi kerek. Sol kezde áleýmettik tólem alady. Biz shákirtaqy alatyndyǵyn ne almaityndyǵyn tekserip jatpaimyz», - dedi Birjan Nurymbetov.
